Plateforme STELLA MARE | UMS3514 - CNRS / Università di Corsica
Ricerca è Sviluppu  | Prugrammi
U lucapante europeu
Dans cette catégorie : U zinu cumunu |
 

U lucapante europeu


Rispunsevule 

Eric Durieux

Prublematica

U lucapante europeu Homarus gammarus puderia esse una spezia da sfruttà in u quadru di a diversificazione di a pesca artigianale in Corsica. D’altronde, issa spezia gode d’un statutu di cunservazione in u Mediterraniu essendu scritta in l’annessa III di a cunvenzione di Barcellona è Berna.

Uggiettivi

Un studiu « eculogia aliotica » cerca à furnisce dati nant’à a sfruttera attuale, a struttura di a pupulazione è l’eculugia di u lucapante in Corsica, da capisce megliu u so putenziale di spluttazione. Un studiu “zootecnicu” cerca à migliurà è adattà e norme di l’allevu à e pupulazioni di u Mediterraniu.

Descrizione

U lucapante europeu Homarus gammarus (Linnaeus, 1758) hè un crustaceu decapode chì campa tra 0 è 150 metri di prufundura vicinu o nant’à i scogli. U lucapante hè una spezie di altu valore soprattuttu in l’Atlanticu di u Nord Est cù quantità di quasi 4300 t à l’annu dapoi 2006 (FAO). In u Mediterraniu u numaru di lucapanti hè più bassu è e riserve più debule per via di a spluttazione eccessiva. L’aquacultura di issa spezia s’hè sviluppata in Europa principalmente in u quadru di i prugrammi di ripupulazione cù u scopu di cunservà una spluttazione duratoghja di certe risorse naturali. In Corsica, a pesca custiera s’appoghja assai nant’à a pesca di l’aligosta rossa Palinurus elephas (Fabricius, 1787) è i prugetti di gestione volenu diminuisce a sfruttera d’issa spezia. In u quadru di a diversificazione di a pesca artigianale custiera in Corsica, u lucapante europeu, per avà tralasciatu, pudaria esse una spezia da sfruttà in alternativa à a pesca di l’aligosta. E caratteristiche di l’ambiente e di a pupulazione di u lucapante in u Mediterraniu sò, malgradu quessa, assai sfarenti di u lucapante di l’Atlanticu di u Nord Est. Ma, si trova pocu infurmazione nant’à a biulugia è l’eculugia d’issa spezia in u Mediterraniu in generale è in Corsica in particulare. Issu prugrammu vole studia d’una parte a pupulazione salvatica è d’altra parte a maestria di l’allevu di i ghjuvenili di lucapante in Corsica.

Azzione da mette in anda

Un studiu « eculugia aliotica » cerca à furnisce dati pè a cunniscenza di e spluttazione attuale, a struttura di a pupulazione è l’eculugia di u lucapnte in Corsica, pè capisce u so putenziale di sfruttera.

Uggiettivi

  • Statu di e spluttazione attuale in Corsica
  • Stimazione di a pupulazione indu i lochi spluttati o micca.
  • Studiu nant’à i parametri biologichi è a struttura demugrafica di a pupulazione di lucapante in Corsica (misura/età, pesu, sessu)
  • Cunniscenza di l’abitatu predilettu di u lucapante (temperatura, sustrattu...)
  • Studiu geneticu di u lucapante in Corsica in paragone à u lucapnte d’altri lochi
  • Studiu nant’à u cumpurtamentu di l’induvidui cù segni cunvenziunali è elettronichi.

Un studiu zootecnicu cerca à migliurà e adattà e norme di l’allevu à e pupulazioni di lucapante in u Mediterraniu à traversu à isse attività :

  • Mantenenza di femine salvatiche fertile chjappe nant’à u liturale corsu.
  • Studiu di a maturazione è di a sbuccià di l’ove.
  • Migliuranza di i parametri di l’ambiu pè u sviluppu di e larve.
  • Cuntrollu di a pre-ingrussata di i ghjuvenili cù l’analisi di a morfulogia è di u cumpurtamentu.
  • Studiu geneticu pè stimà a diversità genetica di i individui di a pruduzione zootecnica.
Page mise à jour le 05/11/2018 par JEAN-CHARLES LORENZINI