Plateforme STELLA MARE | UMS3514 - CNRS / Università di Corsica
Ricerca è Sviluppu  | Prugrammi
Corbu
 

Corbu


Respunsevule :

Eric Durieux

Prublematica

U Corbu, Sciaena umbra, hè un pesciu marinu costieru emblematicu è patrimuniale di u Mediterraniu. U corbu hà un interessu ecunomicu maiò ancu s’è a spezia ùn hè micca particularmente colta, è riprisenta un forte interessu patrimuniale spezialmente pè i ciuttadori è i piscatori sottumarini. U corbu si trova nant’à a lista rossa IUCN qualificatu cume “Vulnerevule (valutazione regiunale di u Mediterraniu)” è a so pesca ricreativa hè suspesa dapoi 2013 in Francia.

Uggettivi

Issu pruggettu hè basatu nant’à un studiu zootecnicu chì ha cum’è uggettivu a migliuranza di e cunniscenze nant’à a biulugia è a ripruduzione d’issa spezia in u cuntestu di a so cunservazione. In pruspettiva più generale di a gestione duratoghja di e risorse aliotiche liturali di a Corsica, si so fatti ancu studii di “eculugia aliotica” DACOR, MOONFISH, MoPaMFish è Mudellizazione di u cumpurtamentu.

Descrizione

U corbu, Sciaena umbra, hè un pesciu marinu costieru emblematicu è patrimuniale di u Mediterraniu. Ùn hè micca suggettu à una pesca intensiva ma custituisce una colta assai apprezziata è di tamantu interessu ecunomicu pè e pischerie artigianale. U corbu si trova nant’à a lista rossa IUCN qualificatu cume “vulnerevule (in a regione di u Mediterraniu)”. In u Mediterraniu francese (cuntinente è Corsica), dapoi u 2013 è per un periodu di cinque anni, ùn si pò chjappà di manera ricreativa (caccia sottumarina è pesca cù l’ancinettu) nè u corbu nè a cernia muriccia. U corbu Sciaena umbra hà parechi interessi ambientali, sucietali è ecunumici in u Mediterraniu è particularmente in Corsica. Di manera generale, u livellu di e cunniscenze nant’à u corbu ferma bassu è i pochi studi chì s’interessanu à issa spezia sò abbastanza novi. U bisognu ci hè d’accresce e cunniscenze nant’à issa spezia. A maestria di a riproduzione è di l’allevu d’issa spezia hè assai impurtante pè a biulugia di a so cunservazione. Oghje, malgradu parechje tentative in Grecia, l’allevu di u corbu ùn hè micca realmente sottu cuntrollu è ci ferma un certu numaru di secreti zootecnici da svelà.

Azzione da mette in anda :

 
  • Stabulà genitori : acclimatà l’individui pè a ripruduzione è misurà è capacità di crescita di a pupulazione sarrate.
  • Studià a ripruduzione pè definisce e cundizione ottimale pè fà nasce ove campatoghje.
  • Elaburazione di e prime tappe di sviluppu, dapoi a fasa di larva sin’à u sbuccià di u nuvellame.
 
Page mise à jour le 27/11/2018 par JEAN-CHARLES LORENZINI