Plateforme STELLA MARE | UMS3514 - CNRS / Università di Corsica
Ricerca è Sviluppu  | Prugrammi
U Dentice
 

U Dentice


Rispunsevule :

Eric Durieux

Prublematica

Cunsideratu un predaghju di prima trinca, u dentice Dentex dentex hà una pusizione centrale in l’ecusistemu di u mediterraniu. D’altronde, issa spezia hè particularmente interessante pè a pesca prufeziunale è ricreativa. In fine, u dentice hè l’unica spezia di Sparidae qualificata “minacciatu vulnerabule” in u Mediterraniu.

Uggettivi

Un studiu « eculogicu alioticu » hà per scopu di furnisce cunniscenze nant’à spluttera è l’eculugia di u dentice pè cuntribuisce à a gestione aliotica duratoghja d’issa spezia. Un studiu “zootecnicu” hà cum’è uggettivu a migliuranza di e cunniscenze nant’à a biulugia è l’allevu d’issa spezia in un cuntestu di diversificazione di a pruduzione aliotica in Corsica.

Descrizione

U dentice Dentex dentex (Linnaeus, 1758), hè un pesciu marinu custieru emblematicu è patrimuniale di u mediterraniu d’un interessu ecunomicu maiò pè a pesca prufeziunale artigianale, spezialmente in Corsica. U dentice hè tuccatu ancu dà a pesca ricreativa, ma ùn esiste micca stimu precisu d’issa racolta. U dentice hè l’unica spezia di e Sparidae qualificata cume vulneravule da u IUCN pè u Mediterraniu. D’altronde, cum’è predaghju di prima trinca, occupa una pusizione centrale in a cima di a piramida trofica è raprisinta un indicadore di a struttura è u funziunamentu di l’ecusistemi costieri induve ellu campa. U so valore nant’à u mercatu è e so qualità biulogiche ne facenu una spezia assai impurtante pè a diversificazione di a piscicultura marina mediterranea. U dentice Dentex dentex hà parechji interessi, ambientali, sucetali è ecunomichi per u Mediterraniu è particularmente in Corsica. Issu prugrammu pluridisciplinariu si scrive in una filosoffia di gestione duratoghja di e risorse aliotiche liturali in Corsica, è si sviluppa nant’à un studiu “eculogia aliotica” à traversu à u studiu di a spluttera è di a struttura di a pupulazione salvatica, è quellu zootecnicu per via di a ricerca nant’à a biulugia è l’allevu d’issa spezia per l’acquacultura.

Azzione da cunduce :

U studiu « eculugia aliotica » vole furnisce cunniscenze necessarie à a spluttera è l’eculugia di u dentice cu u scopu di cuntribuisce à a gestione aliotica duratoghja d’issa spezia. Issu studiu hà da basassi nant’à issi punti :

 
  • Evaluation of the exploitation of the Common dentex by commercial and recreational fishing in Corsica.
  • Valutazione di a spluttera di u dentice per mezu di a pesca prufeziunale è di a pesca ricreativa in Corsica.
  • Studiu di i parametri biulogichi è di a struttura demugrafica di a pupulazione di dentice in Corsica (misura / età, pesu, sessu)
  • Analisi di a spartizione territuriale di a pupulazione di dentice cù segni naturali (otoliti è parasitti)
  • Studiu di u cumpurtamentu è di ul’adopru di u territoriu cù indicadori elettronichi (ritimu d’attività, spiazzamenti, zona di ripruduzione..)
 

U studiu zootecnicu hà cumè uggettivu di migliurà e cunniscenze nant’à a biulugia è l’allevu d’issa spezia in u cuntestu di a diversificazione di a pruduzzione piscicula marina in Corsica. Issu studiu hà da appughjassi nant’à issi punti :

 
  • U mantenimentu d’individui salvatichi pè a ripruduzzione, nati in u liturale corsu.
  • Valutazione di e cundizione favurevule à e tappe di a ripruduzzione
  • Migliurà è norme cunnisciute nant’à a tappa di u sviluppu di e larve cù u scopu di diminuisce a murtalità liata à u cannibalismu.
  • Pre-ingrussata di i ghjuvenili
  • Valutazione di a diversità genetica di l’individui è di a so sterpa à sfarente tappe in acquacultura in paragone cù a pupulazione salvatica ingiru à a Corsica.
Page mise à jour le 27/11/2018 par JEAN-CHARLES LORENZINI