STELLA MARE Università di Corsica – CNRS

L’attività di l’Unità 3514 STELLA MARE (Sustainable TEchnologies for LittoraL Aquaculture and MArine REsearch) arrecanu risultati in u duminiu di l’inginieria eculogica marina è liturale. Si scrivenu in a dinamica di u sviluppu di i prugetti di l’Università di Corsica, cù u scopu di mutà a ricerca in richezza. Iss’Unità qualificata da u CNRS di ghjugnu 2011, hè ligata à l’INEE (Istitutu pè l’Eculugia è l’Ambiente).

L’UMS STELLA MARE ha cume oggettivu a maestria è a gestione integrata di e risorse aliotiche è liturali di a Corsica per permette u trasferimentu di l’innuvazioni tecnulogiche versu i prufeziunali di u mare cù u scopu d’aiutalli à :

• valurizà è diversificà a pruduzzione cù spezie di u liturale corsu
• gestisce e risorse naturale pè una spluttazione duratoghja
• favurisce una pesca rispunsevule è un’acquacultura duratoghja

U pruggettu scentificu di a piattaforma hè centratu nant’à a ricerca, u trasferimentu di tecnulugie versu i prufeziunali è a sensibilisazione di e giovani generazioni.