Cumunità di rubu

Rispunsevule :

Vanina Pasqualini

Prublematica

I rughjoni liturali (mare è laguna) sò impurtanti pè i scambi di materie è d’energie. E pressione umane, cù a crescita di a so pupulazione è a pratica di i so usi, portanu à una sfruttera mancu appena duratoghja di l’ecusistema, cagiunendu l’erusione di a biodiversità è a degradazione di l’ecusistemi. Sò state rilevate impurtante modificazioni di l’equilibri eculogichi à livellu mundiale chì minaccianu l’ambiente stessu. In i cuntesti demugraficu, ecunomicu è eculogicu d’oghje, hè una necessità sucietale a cunservazione d’issi ambienti liturali. Per via di i cambiamenti generali accertati (causati da l’omu è da u clima), ci hè da aspettassi à un effettu nant’à i rughjioni d’interfaccia. E cumunità di rubu vegetale è animale chì si trovanu à a basa di e rete trofiche, sò particularmente sensibuli à i cambiamenti spaziu-tempurali di i parametri fisichi è chimichi in ambiente liturale. Tutte e perturbazione è mudificazione eculogiche ponu avè cunsequenze maiò nant’à l’ecusistemi è e risorse aliotiche. Isse cumunità custituiscenu punti impurtantissimi da studià è da curà, spezialmente in u quadru di e Direttive Quadri di l’Unione Europea.

Uggettivi

U nostru uggettivu vole risponde à e dumande sucietale di diagnosticu, espertizia, ingenieria eculogica è d’assistenza à a decisione è u rimediu, à partesi da e cunniscenze di a dinamica di e cumunità di u rubu è di e cunsequenze nant’à u funziunamentu di l’ecusistemi. A diversità di u rubu ùn hè micca cumpletamente cunnisciuta. U rubu vegetale riprisenta una biodiversità incunnisciuta è micca sfruttata. E ricerche nant’à u rubu devenu esse cuntinuvate. Issa risorsa pò esse valurizata in parechji duminii cum’è u cibu (in l’acquacultura), a cusmetica è pè l’ambiente (tossine vegetali, epurazione).

Azzione da mette in anda

• Capisce attempu a dinamica di e cumunità di rubu vegetale è animale in ambiu liturale è e cunsequenze d’isse variazioni nant’à u funziunamentu di l’ecusistemi, cù u scopu d’aiutà à a decisione è u rimediu.
• Isulà è studià certe spezie di rubu vegetale è animale d’interessu chì si trovanu longu u liturale corsu, cù u scopu d’ammaestranne a cultura è a pruduzione. L’uggettivu hè l’elaburazione d’una lista di i ceppi è di i so putenziali pè cuntribuisce à a so valorizazione in certi duminii (acquacultura, cusmetica)
• A pruduzione di rubu vegetale è animale pè furnisce u cibu à e spezie d’interessu scelte è sfruttate nant’à a piattaforma STELLA MARE.