SAPS - Serviziu sensibilisazione di Stella Mare
Una di e missione primurose di a pianiforma Stella Mare – Università di Corsica CNRS hè di cuntribuisce à a sensibilisazione di u grande publicu, soprattuttu e generazione nove, à e sfide di prutezzione di u mezu marinu è di u liturale.
Ughjettivi di a sensibilisazione
- Discità e cuscenze ambientale, soprattuttu ind’è i ghjovani, favurendu una meglia capiscitura di l’ecusistemi marini mediterraneani .
- Fà chì a scenza sia vicina à i sculari, demu li l’uppurtunità di scopre i mestieri di a ricerca, per tandu creà vucazione.
- Sparte l’avanzate è e dimarchje scentifiche di Stella Mare, soprattuttu ciò chì tocca à u ristoru eculogicu di i lochi di vita avviliti è e spezie emblematiche di a Corsica.
U parcorsu pedagogicu immersivu
A pianiforma STELLA MARE hè stata pensata tale quale à pudè prupone un parcorsu pedagogicu à i so visitori. Stu parcorsu s’acconciu in giru à très assi primurosi :
A scenza in azzione
U visitore prugressa tuttu u longu d’un parcorsu cuncipitu cum’una marchja diritta chì u cunduce à mezu à l’acquarii, i laburatorii è i bacini sperimentali.
Hè à u più vicinu di l’attività scentifiche senza disturbà le, soprattuttu d’un puntu di vista sanitariu.
Arnesi pedagogichi accessibili
Tuttu u longu di u parcorsu, pannelli spiegativi è altri arnesi, tale chè u materiale biulogicu è filmetti pedagogichi, provanu cuntenuti annantu à :
- A biudiversità marina è di u liturale corsu, cù spezie marine studiate in STELLA MARE ;
- A diversità di i mestieri in STELLA MARE, è a so dimarchja scentifica ;
- L’avanzate scentifiche fatte in STELLA MARE per a priservazione di u patrimoniu naturale mediterraneanu.
Una visita guidata da prufessiunali
E visite sò assicurate da l’inseme di u persunale, soprattuttu da u serviziu sensibilisazione di Stella Mare : una squadra di scentifichi realizendu l’attività pedagogiche di a pianiforma.
Ste visite, destinate à i sculari, ma dinù à i gruppi stituziunali, sì facenu tuttu u longu di l’annu, annantu à riservazione, per via di l’indirizzu mail chì seguita : sensibilisation_stellamare@univ-corse.fr
Azzione tuttu l'annu
Tuttu l'annu, parechje azzione di sensibilisazione sò avviate di pettu à i sculari è u grande publicu :
- Ghjurnate porte aperte : visite tematiche, cunferenze, scambiu cù i cercatori .
- MasterClass culle è licei : ghjurnata scuperta di u mezu scentificu marinu incù l’adulti di dumane.
- Participazione à l’avvenimenti annantu à u territoriu corsu sanu, cù attelli pedagogichi cuncipiti propii pr i zitelli è i ghjovani ma dinù stands d’infurmazione per u grande publicu.
- Intervenzione in i stabilimenti scularii, soprattuttu in u quadru di u dispusitivu Area Marina Educativa (AME) per un’amparera cuncreta è vicina à u mondu scentificu è di u mezu marinu.
- Visite insulite : ghjurnate immersive in i laburatorii di a pianiforma.
L’azzione di u serviziu sensibilisazione sò avviate in partenariatu incù l’associu U Marinu (CPIE Bastia – Golu – Mediterraniu) attore impegnatu di l’educazione à l’ambiente in Corsica.
E scenze participative
STELLA MARE prupone di cuntribusice à e scenze marine isulane incù l’appiecazione annantu à u telefuninu MareCorsu, l’arnesu di scenze participative di l’Università di Corsica, dedicata à a capiscitura è à a prutezzione di a biudiversità marina è di u liturale corsu.
St’arnesu hè messu à dispusizione di tutti per cuntribuisce o prupone prugrammi di scenze participative ma dinù agisce per una cunniscenza di più precisa di u mezu in giru à noi.
Cullaburazione à u livellu territuriale
STELLA MARE cullabureghja incù parechji attori, U CNRS, l’Accademia di Corsica è a Casa di e Scenze, per fà di a sensibilisazione un appoghju d’azzione territuriale per una ghjuventù di più cuscente è meglia infurmata annantu à l’inchjochi scentifichi isulani è e sfide ambientale di dumane.
Stu serviziu gode di u sustegnu finanziariu di u labellu «Scenza incù è per a Sucetà » di l’università di corsica è di parechji prugrammi di ricerca.
