U Cazzu Marinu
In un cuntestu di scarsità di e risorse pescareccie è di a crescita di a sfruttera cumerciale di certe spezie marine chì campanu in i fondi marini, STELLA MARE sviluppeghja prugrammi di ricerca appiecata chì mira a maestria di u ciculu biulogicu è l’aduprera di cazzi marini mediterraneani (Holothuria poli et Holoturia tubulosa) cum’aghjenti biulogichi di rimediazione. Ste duie spezie sò d’impurtanza eculogica è tandu d’ecunomica maiora per u liturale corsu è mediterraniu.
I cazzi marini si scontranu annantu à l’inseme di e costie mediterraneane è atlantiche temperate, in maiurità annantu à i fondi renicciosi, ghjocanu un rolu eculogicu primurose riciclendu a materia urganica è denu ussigenu à i sedimenti, cuntribuendu dinù à a vitalità di l’ecusistemi custiari. In Corsica, i cazzi marini riprisentanu un putenziale di diversificazione ecunomica per a pesca è l’acquacultura isulana, scrivendu si in una dimarchja di sviluppu durabile è di valurisazione di l’ecusistemi.
In stu cuntestu, studii cumpurtamentali è di sperimentazione di ripruduzzione cuntrullate sò oramai cundutte da i cercatori di STELLA MARE. Sti travaglii aprenu a via à prugrammi d’acquaculture multitrofiche integrate, cuppiendu parechje spezie di i fondi marini, soprattuttu cazzi marini è altre spezie d’allevu, in un ughjettivu di riciculu di i nutrimenti è di sminuzione di l’impattu ambientale.
Ughjettivi
• Ammaestrà a ripruduzzione di i cazzi marini mediterraneani in cundizione cuntrullate .
• Megliurà i percentuali di sopravvivenza larvaria è di e rendite d’allevu.
• Pruduce assai ghjuvanili per sperimenti di bioremediazione è d’acquaculture multitrofiche.
• Sviluppà tenniche di cocultura.
Azzioni fatte
• Uttenzione di l’emissione di gamete per Holothuria poli et Holothuria tubulosa.
• Lampera di sperimenti di ripruduzzione in laburatoriu (ovi, larve è ghjuvanili).
• Messa in ballu di un seguitu di genitori.
• Realisazione di sperimentazione di bioremediazione.
• Realisazione di sperimentazione di co-culture incù d’altre spezie.
Prugrammi
In corsi
BIOEPUR : Appiecazione d'arnesi biuligichi per a gestione ambientale
« Stu prughjettu hà gudatu di u sustegnu finanziariu di l'aghjenza di l'acqua Rhône Mediterraniu Corsu »


