L'Aligosta Rossa
In un cuntestu di scarsità di e risorse pescareccie è di trafallata di e spezie marine patrimuniale, STELLA MARE prupone è sviluppeghja prugrammi di ricerca appiecata mirendu u ristoru eculogicu è a maestria di a ripruduzzione di l’aligosta rossa d’Auropa (Palinurus elephas), spezia d’impurtanza eculogica, ecunomica è sucietale primurosa per u liturale corsu è mediterraneanu.
L’aligosta rossa si scontra à u longu di e costie di l’Atlanticu Nord’este, di a Nurvegia meridiunale à a Moritania, ma dinù in una grande parte di u Mediterraniu, for’di i bacini este è sudu este. Campa in maiurià annantu à i fondi scugliosi, aspessu cuppiata à e cumunità curallate, trà 0 è 200 metri di prufundezza .
Classata vulnerabile annantu à u listinu rossu di l’UICN, sta spezia face l’ughjettu d’una trafallata stampata : e prese sò passate da 1100 tunnelate in u 1969 à 434 tunnelate in u 2017, è in Francia di 1000 tunnelate in l’annu 1950 à solu 25 tunnelate in u 2010.
In Corsica, l’aligosta rossa riprisenteghja una sfida ecunomica maiora, inghjennendu di più di 4 millioni d’eurò di ciffru d’affari à l’annu, sia sin’à 70 percentu di a pesca prufessiunale isulana.
Sta trafallata s’accumpagna d’impatti eculogichi significativi : appuverimentu di i lochi di vita, prese senza vulella, disturbazione di i fondi marini è crescita di l’orma carboniu liata à i sforzi di pesca.
In stu cuntestu, i studii cumpurtamentali è e sperimentazione di cappiata d’inviduvi sò oramai avviate da i cercatori di STELLA MARE. St’avanzata nova apre a via à metudi di ristoru eculogicu per pudè priservà a prisenza di l’aligosta rossa annantu à a so area di spartera naturale.
In u 2021, a pianiforma STELLA MARE diventa l’unu di i trè laburatorii in u mondu à uttene larve di Palinurus elphas, incù i percentuali i meglii di sopravvivenza arregistrati.
Ughjettivi
- Maestria di a ripruduzzione di l’aligosta rossa in cundizione cuntrullate.
- Megliurà i percentuali di sopravvivenza larvaria è e rendite d’allevu.
- Pruduce assai ghjuvanili per i sperimenti di ristoru eculogicu.
- Sviluppà e tenniche di trasferimentu è di seguiti in u mezu naturale per uttimizà a sopravvivenza dopu à a cappiata.
Azzione Fatte
- Validazione di e prime tappe di u ciculu biulogicu in allevu cuntrullatu.
- Messa in ballu di i prutucoli di mantenimentu è di manghjusca adatta à e cundizione mediterraneane.
- Custituzione d’una banda sperimentale di genitori per a seguita di i travaglii di ripruduzzione.
Prugrammi
In corsi
- PIA UNITI : Prugramma d'Investimentu d'Avene versu una ingeneria marina è litturale annantu à l'area eurò méditerraneana.
« Stu prughjettu hè gudatu un aiutu di u Statu gestita da l'Aghjenza Naziunale di a Ricerca à u tittulu di a Francia 2023 purtendu riferenza ANR-22-EXES-0016. »
Terminées
- ALIGOSTA : Megliurazione di u statu di cunniscenze annantu à a biulugia è a struttura di e pupulazione di l'aligosta rossa in Corsica.
« Stu prughjettu hè statu finanziatu da iu prugramma Fondi Auropeani per l'Affari marittimi è a Pesca di l'Unione Auropeana, ès'hè fatta in stretta cullaburazione incù l'Uffiziu di l'ambiente di a Corsica, a Stareso, l'Università Cergy-Paris, è u Cumitatu Reghjunale di e Pesche Marittime è di l'Allevi Marini Corsi. »



