Logo du site
Plateforme STELLA MARE | UAR 3514 - CNRS / Università di Corsica
Plateforme STELLA MARE  |
A Gritta
> Ricerca è Sviluppu > Prugrammi in corsu > A Gritta

A Gritta

 

In un cuntestu di perdita di biudiversità marina, soprattuttu e spezie emblematiche marine di u liturale corsu, STELLA MARE prupone è sviluppeghja prugrammi di ricerca appiecata chì toccanu à u ristoru eculogicu di a gritta (Maja squinado).

Endemica à u Mediterraniu, a spezia Maja squinado hè prutteta à u livellu auropeanu.

Dapoi l’annu 70, a sminuzione di i rendamenti inchieta i pescatori è i scentifichi cunsigliendu un sfinimentu di e pruviste è una messa in periculu di a spezia.

À a fine di u XXesimu seculu, in u Mediterraniu, l’avvilimentu di a spezia hè statu tantu impurtantissimu ch’hè oramai quasgi assente di certi lochi in u Mediterraniu. À i Baleari per esempiu, hè sparita dapoi di più di 20 anni fora in giru à l’isula di Formentera induve solu qualchì individuvi sò prilevati ogni annu.

In Corsica, e prese di Maja squinado sò sminuite di metà trà u 2011 à u 2019.

In stu cuntestu, i studii cumpurtamentali è e sperimentazione di cappiate d’individuvi sò oramai pruspettati da i cercatori di Stella Mare. L’ughjettivu hè di sviluppà metudi di ristoru eculogicu per pudè priservà a prisenza di a Gritta annantu à a so aghja di scumpartera naturale.

Ughjettivi

  • Megliurà e cunniscenze annantu à a biulugia è l’ecofisiulugia di a spezia.
  • Uttene un numaru bastevule di ghjuvanili di maiurezza scunvita per permette a messa in ballu di primi testi di ritornu di a spezia in u so mezu naturale
  • Valutà i parametri di sopravivenza di l’individuvi cappiati.
  • Integrà st’azzione à u puntu trasversale « seguitu cumpurtamentale di spezie minacciate », per assicurà una cuerenza di modu generale di i seguiti è di l’analise.

 

Azzione fatte

  • Prilevamenti di genitori in ciuttata o incù i pescatori prufessiunali.
  • Uvate è allevu larvariu è raccolta di dati d’allevu (timperatura ideale, salinità, manghjusca, ecc…).
  • Crescità di ghjuvanili è uttimisazione di rendamenti d’allevu per pudè uttene abbastanza ghjuvanili per andà versu sperimentazione di ristoru eculogicu di a spezia.
  • Definizione d’elementi primurosi di u sistema d’allevu in circuitu chjosu per pudè adattà si à e custrette di sta spezia (filtrazione, idurdinamisimu di i bacini, ecc…).
  • Realisazione di studii cumpurtamentali (metabulisimu).

 

 

Prugrammi

In corsi

  • BIOATTAQUA (2020 – 2023) : Realisazione di sperimentazione avviate per l’acquacultura integrata multitrofica .

« U prughjettu hè statu finanziatu da u prugrammu Fondi Auropeani per l'Affari Marittimi è a Pesca di l'Unione Auropeana è s'hè fattu in cullaburazione stretta incù Gloria Maris »