A Cicala Magnosa
In un cuntestu di perdita di biudiversità marina, soprattuttu e spezie emblematiche marine di u liturale corsu, STELLA MARE prupone è sviluppeghja prugrammi di ricerca appiecata chì toccanu à u ristoru eculogicu di a cicala magnosa (Scyllarides latus).
A cicala magnosa hè un crustaceu decapudu prisente in u Mediterraniu ma dinù in l’Atlanticu levante dapoi e costie purtughese à u Senegale passendu per Madere, L’açores è u Capiverde.
Bè chè a so distribuzione geugrafica hè assai sparta, i studii provanu chè e pruviste di gritte sò in sminuzione ind’è a maiurità di i lochi analizati è a spezia hè ancu smarita di certe reghjone di pettu à a soprapesca. Tandu, ricercata per a so carne delicata, a gritta hà fattu l’ughjettu d’una pesca intensiva di a parte di i ciuttatori, en apnée ou en scaphandre, in a maiò parte di i paesi di u Mediterraniu è annantu à e costie atlantiche di a penisula iberica.
In stu cuntestu, a cicala magnosa hè oramai pruttetta sana in Francia è face l’ughjettu di misure di pruttezzione in Auropa è in a maiò parte di l’altri paesi di u Mediterraniu.
A maestria di a ripruduzzione di sta spezia hè tandu una sfida primurosa per a so salvezza. Oramai, nisunu individuvu di u generu Scyllarides s’hè pussutu allevà in spulcitoghju. Ancu s’è e condizione di i genitori è l’uttenzzione di larve fù state una rescita, a durata di l’allevu larvariu è a mancanzza di cunniscenza chì tocc’à i bisogni nutrittivi è d’altri fattori rendenu difficiule l’uttenzzione di ghjuvanili in spulcitoghju.
Ughettivi
- Messa in opera un prutucolu di ripruduzzione cuntrullatu di Scyllarides latus in laburatoriu.
- Megliurà e cunniscenze annantu à a biulugia è u ciculu di ripruduzzione di a spezia.
- Sviluppà tecniche di nutrimentu.
- Uttene assai ghjuvanili incù una maiurezza cunvita per permette a messa in opera di i primi testi di ritornu di a spezia in u so mezu naturale.
- Sviluppà tecniche specifiche di trasferimentu adattate à a spezia per pudè fà cresce a sopravivenza durante e cappiate.
- Definisce l’aghje sperimentale in cullaburazione incù i gestiunnarii di l’ambiente incù u scopu d’uttimizà a sopravivenza dopu a cappiat .
- Valutà i parametri di sopravivenza di l’individuvi cappiati per via di seguiti in ciuttata scentifica è d’azzione sperimentale di seguiti acustichi.
- Integrà st’azzione à u puntu trasversale « seguitu cumpurtamentale di spezie minacciate » per assicurà una cuerenza di modu generale di i seguiti è di l’analise.
Azzione Fatte
- Prilevamenti di genetori in ciuttata dopu à l’uttenzione d’arresti prefetturali d’auturisazione di detenzione. Una volta chè l’uvata hè fatta sò cappiati in u mezu naturale.
- Cundizione è ingrandera di i genitori per via d’un fotuperiudu* è d’un prufilu termicu adattatu.
- Uvate, allevu larvariu è raccolta di dati d’allevu (sopravivenza, durate di e mute, durata sana di l’allevu, ecc…).
- Definizione di l’elementi primurosi di u sistema d’allevu in circuitu chjosu per pudè adattà si à e custrette d’issa spezia (filtramentu, idrudinamisimu di i bacini…).
Prugrammi
In corsi
• MEDRESTOR : Maestria è ristoru eculogicu di e pupulazione di a cicala magnosa Scyllarides latus è seguitu cumpurtamentale di spezie minacciate.
« Stu prughjettu hà gudatu di u sustegnu finanziariu di l'aghjenza di l'acqua Rhône Mediterraniu Corsu »


