Logo du site
Plateforme STELLA MARE | UAR 3514 - CNRS / Università di Corsica
Plateforme STELLA MARE  |
U Guardia Zecca
> Ricerca è Sviluppu > Prugrammi in corsu > U Guardia Zecca

U Guardia Zecca

 

U guardia zecca, sciaena umbra, hè un pesciu marinu di e costie emblematicu è patrimuniale di u Mediterraniu. Ancu s’ellu ùn hè miratu da i pescatori, riprisenteghja un interessu ecunomicu propiu è un attrazzione patrimuniale, soprattuttu per i ciuttadori è i cacciatori sottimarini. A spezia hè oramai minacciata, hè scritta annantu à u listinu rossu di l’IUCN in a categuria "Vulnerabile" (valutazione reghjunale mediterraniu) è hè sottumessu in Francia da un muratoriu annantu à a pesca di piacè dapoi u 2013 riconduttu in u 2023 per deci anni. Sta pruibizione chì tocc’à a pesca sottu marina è a pesca di canna hè a cunsequenza di un’avvilimentu di e pupulazione naturale liata à a sfruttera eccessiva è à a sensibilità di a spezia di pettu à e pressione antropiche.

In stu cuntestu, STELLA MARE prupone è sviluppeghja prugrammi di ricerca appiecata centrati annantu à u ristoru eculogicu di e pupulazione naturale di u guardia zecca in u Mediterraniu.

 

 

Oghje, STELLA MARE hè in capacità di pruduce à l’annu parechje decine di millaie di ghjuvanili incù una sopravivenza larvaria di 40 à 70 %.

D’altronde, dapoi u 2020, 75 000 guardia zecca sò stati cappiati in u mare in u quadru di sperimentazione di ristoru eculogicu.

 

Ughjettivi

  • Uttimizà e condizione di i ghjuvanili nanzu di ricappià li per pudè assicurà a so addattazzione è fà cresce à u più a sopravivenza in u mezu naturale.
  • Mette in opera è valutà l’uperazione di cappiata annantu à parechji siti in Corsica è annantu à u liturale mediterraneanu.
  • Seguità u cumpurtamentu, a crescita è a sopravivenza di l’individuvi ricappiati per via di seguiti in mare (stampera, usservazione, prilevamenti)
  • Validà i prutucoli sperimentali di ristoru eculogicu è sfinisce un mudelu ripruductibile di ripupulazione à u livellu reghjunale.
  • Cuntribuisce à a cunservazione attiva di a spezia in appoghju à e misure regulamentarie in vigore (muratoriu, gestione pescareccie).

 

Azzione fatte

  • Maestria di u ciculu biologicu in cundizione cuntrulate annantu à a pianiforma
  • Uttimisazione di e cundizione d’uvate è di sviluppu larvariu.

 

  • Cresce di i vulumi di pruduzzione di ghjuvanili in vista di ristoru eculogicu annantu à i siti sperimentali
  • Rifà e pruviste
  • Realisazione di studii cumpurtamentali (vitezza di nutera, predazzione…)
  • Sviluppu di e tecniche di stampera nova è di seguitu in situ di e bande ricappiate

 

Prugrammi

In corsi

  • MEDERESTOR : Maestria di a ripruduzzione è di u ristrou eculogicu di e populazione di guardia zecca Sciaena umbra, è seguitu cumpurtamentale di e spezie minacciate.

« Stu prughjettu hà gudatu di u sustegnu finanziariu di l'aghjenza di l'acqua Rhône Mediterraniu Corsu »

 

 

Compii

  • DHAVID (2021 – 2023) : Sviluppu di mudeli novi di gestione, mirendu à a sfruttera eco sustenevule di e risorse pescareccie di a banda custiera, fatta annantu à l’impiecazione diretta di l’attori di u mare è annantu à l’intervenzione attive per u mantenimentu, forse a crescita di e pruviste naturale.

« Stu prughjettu hà gudatu di u sustegnu finanziariu di l'aghjenza di l'acqua Rhône Mediterraniu Corsu »

  • Mérou Corb (2021 – 2023) : Megliurazione di u statu di e cunniscenze annantu à a biulugia è a struttura di a lucerna è di u guardia zecca in Corsica.

«  Stu prughjettu hà gudatu di u sustegnu finanziariu di a Direzzione intereghjunale di u Mare Mediterraniu »

  • MoPaMFish (2018 – 2022) : Curamentu di i pesci patrimuniali in u Mediterraniu.

« Stu prughjettu hà gudatu di u sustegnu finanziariu di l'aghjenza di l'acqua Rhône Mediterraniu Corsu »

  • MOONFISH (2017 – 2020) : Arnese di mudelisazione per a gestione durabile di e risorse pescareccie in Corsica.

« Stu prughjettu hè statu finanziatu da i Fondi Auropeani di u Sviluppu Reghjunale fattu in cullaburazione stretta incù l'Uffiziu di l'Ambiente di Corsica, a STARESO è u Cumitatu Reghjunale di e Pesche Marittime è l'Allevi marini corsi. »

  • HAL2 (2017 – 2020) : Sviluppu di suluzione annantu à e prublematiche di a priservazione è di a sfruttera eco sustenevule di e risorse naturale di u liturale.

« Stu prughjettu hè statu finanziatu da i Fondi Auropeani di u Sviluppu Reghjunale »