A Lapara Maiò
In un cuntestu di perdita di biudiversità marina è di scarsità di e spezie emblematica di u liturale scugliosu mediterraneanu, STELLA MARE sviluppeghja prugrammi di ricerca appiecata chì toccanu à u ristoru eculogicu di a lapara maiò (Patella ferruginea), unu di l’invertebratu u più minacciatu di u Mediterraniu.
A lapara maiò hè un mulluscu marinu chì pò ghjunghje à 11 centimetri di diametru, chì uccupeghja un’area battuta da i marusoli è sì nutrice d’urganisimi fissati. Spezia pruttetta è pruibita à a pesca, tandu campava annantu à l’inseme di e costie mediterraneane uccidentale. Oramai, hè smarita di u liturale cuntinentale francesa è ferma avà solu in Corsica, in Sardegna, in Tunisia, in Spagna è in Algeria, induve e so pupulazione fermanu in debbulezza.
Di pettu à stu cuntestu, sperimentazione di cappiata d’individuvi sò digià avviate da i cercatori di STELLA MARE per pudè priservà a prisenza di a lapara maiò annantu à a so area di spartera naturale.
In u 2024, e squadre di STELLA MARE uttenenu 328 ghjuvanili. Un primu sperimentu di trasferimentu in u mezu naturale hè statu fattu d’uttobre di u 2025 incù 60 individuvi prudutti in u spulcitoghju.
Ughettivi
- Messa in opera in laburatoriu, un prutucolu di ripruduzzione cuntrullata di Patella ferruginea.
- Megliurà e cunniscenze annatu à a biulugia è u ciculu di ripruduzzione di a spezia.
- Sviluppà e cunniscenze e tecniche d’ingrossu di i ghjuvanili è di a nutrizione adatta à e cundizione naturale corse.
- Pruduce di i ghjuvanili per pudè fà a so reintruduzzione in i siti primurosi di ristoru eculogicu.
Azzione fatte
- Stabulazione di genitori in i bacini incù dispusitivi per i marusoli.
- Messa in ballu sanu di e tappe di ripruduzzione : scruchjittime d’uvate, fecundazione, cuntera di l’ovi, incubazione, sviluppu larvariu è metamorfosu.
- Sviluppu d'un prutucolu di nutrimentu di e larve è di i ghjuvanili stalcatu annantu à e risorse naturale dispunibile in Corsica
- Realisazione di sperimentazione d’ingrossu in allevu.
- Realisazione di sperimenti di ristoru eculogicu annatu à i lochi di vita mediuliturale scugliosu.
Actions à venir
- Optimisation de la croissance des juvéniles, à travers la nutrition.
- Suivi des populations réintroduites afin d’évaluer l’efficacité des actions de restauration.
Prugrammi
In corsi
- MEDRESTOR : Maestria è ristoru eculogicu di e pupulazione di a cicala magnosa Scyllarides latus è seguitu cumpurtamentale di spezie minacciate.
« Stu prughjettu hà gudatu di u sustegnu finanziariu di l'aghjenza di l'acqua Rhône Mediterraniu Corsu »
Compii
- DHAVID (2021 – 2023) : Sviluppu di mudeli novi di gestione, mirendu à a sfruttera eco sustenevule di e risorse pescareccie di a banda custiera, fatta annantu à l’impiecazione diretta di l’attori di u mare è annantu à l’intervenzione attive per u mantenimentu, forse a crescita di e pruviste naturale.
« tu prughjettu hà gudatu di u sustegnu finanziariu di l'aghjenza di l'acqua Rhône Mediterraniu Corsu »
- HAL2 (2017 – 2020) : Sviluppu di suluzione annantu à e prublematiche di a priservazione è di a sfruttera eco sustenevule di e risorse naturale di u liturale.
« Stu prughjettu hè statu finanziatu da i Fondi Auropeani di u Sviluppu Reghjunale »
- HAL1 (2012 – 2015) : Sviluppu di suluzione annantu à e prublematiche di a priservazione è di a sfruttera eco sustenevule di e risorse naturale di u liturale.
« Stu prughjettu hè statu finanziatu da i Fondi Auropeani di u Sviluppu Reghjunale »


