Planctone e Vegetali
I mezi liturali (mare è lagone) custituiscenu aree maiò di scambii di materie è d’energia. Aggrottanu una biudiversità meravigliosa è provanu parechji servizii ecusistemichi .
Tandu, sti mezi sò sottumessi à pressione antropiche forte, d’una parte da a crescita di e populazione incù l’urbanisazione di u liturale è d’una parte incù a so aduprera. Ste pressione inghjennanu una rusione di a biudiversità, un avvilimentu di l’ecusistemi ma dinù squilibrii eculogichi à u livellu mundiale, minacciendu a perennità di u mezu.
In stu cuntestu, a cunservazione è u ristoru di st’ecusitemi custiarii appariscenu cum’è una priurità sucietale. St’aree di leie trà a terra è u mare, ghjocanu un rolu primurosu in a risposta di l’ecusistemi di pettu à i cambiamenti glubali.
E cumunità planctoniche è vegetale chì appupulanu sti mezi uccupeghjanu una piazza fundamentale. St’urganisimi, à a stalca di e rete trufiche, sò assai sensibile à e variazione di i parametri ambientali (u lume, a timperatura, salinità , nutrimenti, ecc..) Ogni disturbezza chì tocc’à ste cumunità pò avè cunsequenze maiò annantu à l’inseme di l’ecusistemi è in fine annantu à e risorse pescareccie. Ghjè per stu fattu chì u studiu è u seguitu di l’urganisimi hè primurosu per capisce u funziunamentu di i mezi liturali è risponde à l’ughjettivi fissati da e Direttive Quadre Auropeane.
Ughjettivi
- Megliurà e cunniscenze scentifiche annantu à a dinamica di u fituplanctone è di u zuoplanctone in mezu liturale, in un cuntestu di cambiamentu climaticu .
- Sviluppà appiecazione cuncrete in i dumunii di l’acquacultura, di e biutennulugie, di l’ambiente (valurisazione biulugia).
Azione fatte
- Studià a dinamica di e cumunità planctoniche è vegetale : capisce u funziunamentu di e cumunità fituplanctoniche, zuoplanctoniche è vegetale in i mezi liturali corsi, in lea incù i parametri ambientali. Ste cunniscenze permettentu d’anticipà à u megliu i cambiamenti eculogichi è di pruvà un’aiutu à a decizione per a gestione è u ristoru di l’ecusistemi custiarii .
- Isulà è cultivà spezie d’interessu : identificà, isulà è cultivà spezie lucale per pudè pruvà una risorsa alimentaria chì tocc’à e spezie d’interessu allevate annantu à a pianiforma STELLA MARE. Ste culture miranu dinù à splurà u so putenziale di valurisazione in sfarenti duminii d’appiecazione (cusmetiche,manghjusca, spuramentu, ecc…)





