Logo du site
Plateforme STELLA MARE | UAR 3514 - CNRS / Università di Corsica
Plateforme STELLA MARE  |
L'Ostrice Sparta
> Ricerca è Sviluppu > Prugrammi in corsu > L'Ostrice Sparta

L'Ostrice Sparta

 

L’ostrice sparta Ostrea edulis hè una spezia endemia d’Auropa, di grande qualità gustativa, chì cunnosce una varietà genetica propia à a Corsica, esistendu dapoi l’epica rumana.

U stagnu di Diana, in Corsica, aggrotta ghjacimenti d’ostrice sparte ch’anu resiste sfarente maladie chì sò à l’orighjine di a sterpa di sta spezia in Auropa.

Oghje, sta spezia hè tuccata da l’intruduzzione, in l’allevi intensivi, di l’ostrice scavata Crassostrea gigas. Tandu, dapoi u 2008, l’ostrice scavate cunnoscenu un’epidemia d’un erpetu-siscu minacciendu l’ustreicultura francese. L’ostrice sparta riprisenteghja una risorsa patrimuniale è ecunomica d’interessu di pettu à e difficultà oghjinche di l’ustreicultura francese.

In stu cuntestu, STELLA MARE prupone prugrammi di ricerca per capisce à u megliu e pruviste d’ostrice sparte in Corsica (periudu d’uvata, capacità di ripruduzzione) valurizà sta risorsa ustreicola è assicurà una pruduzzione campatochja à u livellu ambientale, ecunomicu è suciale.

Ughjettivi

  • Ammaestrà u ciculu di sviluppu di a spezia, da l’uvata à a fissera.
  • Sustene è accumpagnà u sviluppu di a fliera ustreicula.
  • Valurizà e pruprietà biulogiche di a spezia soprattuttu a so capacità di filtrazione per u spuramentu di u mezu.

 

Azzione fatte

  • Sviluppu d’una pruduzzione d’ostrice sparte in un mezu chjosu è cuntrullatu. .
  • Pruduzzione di parechji milioni d’ostriccelle sparte assicurendu a perennità di a risorsa.
  • Uttimisazione di e cundizione d’allevu (alimentazione, rinnovu d’acqua, timperatura, densità, ecc ..) per megliurà perfurmenze biulogiche è ambientale.
  • Trasferimenti d’ostricelle à u livellu lucale (stagnu di Diana) è naziunale (Stagnu di Thau) per pudè diversificà e pruduzzione ustreicule è sustene u rivenutu di i prufessiunali.

 

 

  • Valurisazione di l’ostrice cum’è mudelli biulogichi per sperimentazione di spurera ambientale (porti, emisarii) per via di a so capacità naturale di filtrazione.
  • Realisazione d’azzione di reintruduzzione è di rinforzu di e populazione naturale annantu à i siti di u stagnu di Diana è di u stagnu d’Urbinu.

 

 

Prugrammi

In corsi

  • BIOEPUR : Appiecazione d'arnesi biulogichi per a gestione ambientale

« Stu prughjettu hè statu finanziatu da u prugramma di i Fondi Auropeani per l'Affari Marittimi è a Pesca di l'Unione Auropeana è s'hè fattu in stretta cullaburazione incù Gloria Maris »

 

Compii

  • CLEANREEF (2021 – 2024) : Spulluzione di i porti per via d'arnesi biulogichi
  • DHAVID (2021 – 2023) : Sviluppu di mudelli novi di gestione mirendu a sfruttera ecu sustenabile di e risorse perscareccie di a banda custiara stalcata annantu à l'impiecazione diretta di l'attori di u mare, è annantu à l'intervenzione attive per u mantene è a crescita di e pruviste naturale.

« Stu prughjettu hà gudatu di u sustegnu finanziariu di l'aghjenza di l'acqua Rhône Mediterraniu Corsu »

  • BIOATTAQUA (2020 – 2023) : Realisazione di sperimentazione avviate d'acquacultura integrate multitofiche.

« Stu prughjettu hè statu finanziatu da u prugramma di i Fondi Auropeani per l'Affari Marittimi è a Pesca di l'Unione Auropeana è s'hè fattu in stretta cullaburazione incù Gloria Maris »

  • HAL2 (2017 – 2020) : Sviluppu di suluzione annantu à e prublematiche di a priservazione è di a sfruttera eco sustenabile di e risorse naturale liturale.

« Stu prughjettu hè statu finanziatu da i Fondi Auropeani di u Sviluppu Reghjunale»

  • HAL1 (2012 – 2015) : Sviluppu di suluzione annantu à e prublematiche di a priservazione è di a sfruttera eco sustenabile di e risorse naturale liturale.

« Stu prughjettu hè statu finanziatu da i Fondi Auropeani di u Sviluppu Reghjunale »

Cullaburazione