Logo du site
Plateforme STELLA MARE | UAR 3514 - CNRS / Università di Corsica
Plateforme STELLA MARE  |
Ingegnieria di u mezu
> Ricerca è Sviluppu > Prugrammi in corsu > Ingegnieria di u mezu

Ingegnieria di u mezu

 

In un cuntestu di perdita chì tocc’à a biudiversità marina è d’un avvilimentu di l’ambiente liturale, a pianiforma STELLA MARE prupone è sviluppeghja parechje suluzione d’ingegneria eculogica mirendu à u sustene di a biudiversità marina è à l’attività pescareccie, u ristoru di a funziunalità eculogica è a megliurazione di a qualità ambientale.

Ughjettivi

  • Rimette i lochi di vita avviliti à cundizione primurose per u sviluppu di e spezie marine, per via di a messa in ballu di scoglii aritificiali o da traspiantazione di spezie.
  • Sviluppà arnesi d’ingegneria eculogica per sustene una gestione integrata di u mezu marinu è di e so risorse, è prumove l’attività durabile di a pesca è di l’acquacultura.
  • Megliurà a qualità ambientale per via di spezie dette « biuindicatore », permettendu di seguità u statu di u mezu, chjappà i cuntaminenti è riciculà i nutrimenti.

 

Azzione fatte 

  • Cuncezzione, immersione è seguitu di e strutture artificiale per l’appoghju à a biudiversità è à l’attività di a pesca prufessiunale.
  • Stallazione di strutture artificiale per assicurà, à u megliu, una gestion di a qualità di l’acque è u rilampu in i porti.
  • Stallazione è seguitu di e spezie inincù u scopu di megliurà a qualità di l’acque è a calata di l’impattu eculogicu di i rilampi in u mezu naturale.
  • Seguitu è ingrussamentu di e risorse acquacole in cundizione d’allevu in mezu naturale, in sustene à a filiera acquacola.
  • Traspiantazione è seguitu di l’erbaghji marini per mantene a biudiversità marina lucale

 

 

Prugrammi

In corsi

  • BIOEPUR : appiecazione d’arnesi biulogichi per a gestione ambientale

« Stu prughjettu hè sustenutu à u livellu finanziariu da l'aghjenza di l'acqua Rhône mediterraniu Corsu »

 

  • RESTHER : Ristoru eculogicu di l’erbaghji marini (Posidonia oceanica et Cymodocea nodosa)

« Stu prughjettu hè sustenutu à u livellu finanziariu da l'aghjenza di l'acqua Rhône mediterraniu Corsu »

 

  • QUALIPORTI : Sviluppu d’azzione avviate chì toccanu à u trattamentu di i frazi è di l’acquaccie di i porti

« U prughjettu qualiporti hè cufinanziatu da Interreg Marittimo »

 

  • BLUESCAPE : Cartugrafia di e pruviste, flussu è mutori di carboniu turchinu à u senu di u santuariu Pelagos

« U prughjettu BLUESCAPE hè avviatu da PELAGOS è finanziatu da a fundazione Prince Albert II de Monaco »

 

Compii

  • CLEANREEF (2021 – 2024) : Spulluzione di i porti per via d’arnesi biulogichi

  • DHAVID (2021 – 2023) : Sviluppu di mudeli novi di gestione, mirendu à a sfruttera eco sustenevule di e risorse pescareccie di a banda custiera, fatta annantu à l’impiecazione diretta di l’attori di u mare è annantu à l’intervenzione attive per u mantenimentu, forse a crescita di e pruviste naturale

« Stu prughjettu hè sustenutu à u livellu finanziariu da l'aghjenza di l'acqua Rhône mediterraniu Corsu »

 

  • BIOATTAQUA (2020 – 2023) : Realisazione di sperimentazione avviate per l’acquacultura integrata multitrofica

« U prughjettu hè statu finanziatu da u prugramma Fondi Auropeani per l'Affari Marittimi è a Pesca di l'Unione Auropeana è s'hè fatta in cullaburazione stretta incù Gloria Maris »

 

  • CREANURS (2015 – 2020) : Ristoru di a funzione ecusistemica di l’abitati avviliti

« Stu prughjettu hè statu sustenutu à u livellu finanziariu da l'aghjenza di l'acqua Rhône Mediterraniu Corsu è da a Culletività di Corsica »

 

 

  • HALII (2017 – 2020) : Sviluppu di suluzione annantu à e prublematiche di a priservazione è di a sfruttera eco sustenevule di e risorse naturale di u liturale

« Stu prughjettu hè statu finanziatu da i Fondi Auropeani di u Sviluppu Reghjunale »

  • HALI (2012 – 2015) : Sviluppu di suluzione annantu à e prublematiche di a priservazione è di a sfruttera eco sustenevule di e risorse naturale di u liturale

« Stu prughjettu hè statu finanziatu da i Fondi Auropeani di u Sviluppu Reghjunale »